【是愛護動物, 還是濫殺動物???】

《愛護動物協會》是愛護動物, 還是濫殺動物???

「如是未戒奶的年幼動物, 因該會未有預留人手定時餵奶, 為免牠們捱餓, 也會考慮人道毀滅。」

你們這樣做法真的是人道嗎??? 如醫院內的醫護人員不足, 會否為免病人痛苦而用同樣的手法去對待病人???

【記者梁御和報道】@蘋果日報

有青年拾獲未開眼的狗BB, 表明會領養, 但按愛護動物協會職員建議, 將狗BB交該會獸醫檢查; 豈料小狗送抵愛協總部不久, 立即被人道毀滅。青年後悔錯信愛協, 而愛協執行人道毀滅的指引並不公開。

「我信錯咗『愛護動物』4個字, 將狗BB交畀佢哋(愛協), 連我都變埋幫兇」。居於赤鱲角村的李先生, 9月19日中秋節早上, 與鄰居在山邊發現一隻狗BB, 仍未開眼。

鄰居即通知愛協, 李先生則把牠帶回家,「狗BB好健康, 未開眼已經『唔、唔』聲四腳撐撐, 仲捉住我隻手指係咁啜」。他家中的5歲狗, 也是5年前在山邊拾獲、一手餵奶養大的。

愛協職員到場後, 李先生表明領養狗BB, 着職員毋須把牠帶走, 但「佢(職員)話俾(愛協)獸醫檢查一下, 對狗BB健康好啲」, 又承諾「起碼會keep幾日」。職員帶走狗BB時約為下午1時。

翌日李先生和鄰居致電愛協時, 獲告知前一天下午已將狗BB人道毀滅。「我哋不斷質問佢點解, 佢話因為唔夠人手餵奶！」李先生憤指:「冇人手又叫我交隻狗畀佢? 我自己都搞得掂(照顧狗BB)嘛!」其後有愛協職員向他們承認做法有問題, 指會檢討。

愛協發言人回覆本報查詢時, 卻指無收過李先生領養小狗的訊息, 職員已表明可能會將小狗人道毀滅, 而狗BB則在9月19日下午3時被人道毀滅。李先生指愛協說法與事實不符。

愛協的網頁無註明甚麼情況下會將動物人道毀滅, 並指按其不公開的指引, 接收動物後, 如4天內無人認領會考慮人道毀滅, 如是未戒奶的年幼動物, 該會未有預留人手定時餵奶, 為免牠們捱餓, 也會考慮人道毀滅。該會每年接收約9,000隻動物, 當中約一半會被人道毀滅。

非牟利獸醫服務協會執行主席麥志豪指, 未知事件是否行政失誤,「就算真係失誤, 佢哋(愛協)都冇後果」, 因為愛協作為全港最大、擁有最多資源的動物機構, 一直只是民間團體, 無人監察。

動物地球總幹事黃繼仁說:「我自己都經歷過兩次!」他指，初生動物要定時餵奶、需較長時間照顧,「我喺7、8年前試過將幾隻未開眼嘅幼貓拎去愛協, 佢都話冇人手照顧, 會即啪(指人道毀滅)」, 又指:「普通市民傷害動物都要付上刑責, 佢哋(愛協)就可以完全逃避責任」。